لە ئەنجامی هێرشێکی درۆنی لە وڵاتی تاجیکستان لە سنووری ئەفغانستان ٣ هاوڵاتی چێنی گیانیان لەدەستدا.

بەپێی ڕاگەیەندراوێکی باڵیۆزخانەی چین لە دووشەنبە، هێرشێکی فڕۆکەی بێفڕۆکەوان لە پارێزگای خەتلۆنی تاجیکستان لەسەر سنووری ئەفغانستان ئەنجام دراوە و بەهۆیەوە ٣ هاووڵاتی چینی کوژراون و کەسێکیش بریندار بووە.

لە ڕاگەیەندراوەکەدا داوا لە چینی دانیشتووانی تاجیکستان کراوە کە ناوچە سنوورییەکان بەجێبهێڵن.

لە بەیاننامەیەکدا کە لەلایەن وەزارەتی دەرەوەی تاجیکستانەوە بڵاوکراوەتەوە، ئاماژە بەوە کراوە کە کۆمپانیای چینی "LLC Shahin SM"  لە هێرشەکەدا کراوەتە ئامانج و فڕۆکەیەکی بێفڕۆکەوان کە بە نارنجۆک و چەک تەیار کراوە بەکارهێنراوە.

لە بەیاننامەکەدا هاتووە، "سەرەڕای هەوڵەکانی تاجیکستان بۆ دەستەبەرکردنی ئاسایش و دروستکردنی ژینگەی ئارامی و سەقامگیری لە ناوچە سنوورییەکانی نێوان ئەفغانستان و تاجیکستان، چالاکیی تێکدەرانەی ڕێکخراوە تاوانکارییەکان لە خاکی ئەفغانستان هێشتا بەردەوامن.

وەزارەتی دەرەوەی ئەفغانستان لە بەیاننامەیەکدا ڕایگەیاند، "ئەوانەی دەستیان لەم رووداوەکەدا هەیە ئەوانەن کە هەوڵ دەدەن ئاژاوە و نائارامی لە ناوچەکەدا دروست بکەن."

ئاماژە بەوەشکراوە، ئیدارەی کابول بەدواداچوون بۆ رووداوەکە دەکات و هاوکاری تەواو لەگەڵ تاجیکستان دەکات.(İLKHA)